FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ცხადდება კონკურსი 2024-2025 სასწავლო წლის გაზაფხულის სემესტრში პროგრამის „სახელმწიფო სტიპენდიები სტუდენტებს“ ფარგლებში სტიპენდიის მოსაპოვებლად (რექტორის ბრძანება N 85/01-01 05.05.2025 ).
გთხოვთ ყურადღებით გაეცნოთ კონკურსში მონაწილეობის წესს.
დოკუმენტაციის წარმოდგენის ვადები:
2025 წლის 7 მაისის 10:00 საათიდან 16 მაისის 16:00 საათამდე.
სტიპენდიის მისაღებ კონკურსში მონაწილეობისთვის დოკუმენტაცია უნდა წარმოადგინოთ თსუ-ს III კორპუსი, 107 ოთახში 10:00 საათიდან 17:00 საათამდე.
შესვენება 13:00-14:00 საათი.
წინასწარი შედეგების გამოქვეყნება 20 მაისი.
აპელაცია 21 მაისის 13:00 საათამდე.
აპელაციის შემთხვევაში განცხადება იგზავნება ფაკულტეტის კანცელარიის ფოსტაზე chancellery.pes@tsu.ge
კონკურსში მონაწილე სტუდენტებმა უნდა წარმოადგინოთ:
- პირადობის მოწმობის ასლი.
- საბანკო ანგარიშის რეკვიზიტი (საქართველოს ბანკიდან).
- 2024-2025 სასწავლო წლის შემოდგომის სემესტრის (2024 წლის 12 აგვისტოდან 2025 წლის 5 თებერვლის ჩათვლით):
- სამეცნიერო და სტუდენტურ კონფერენციებში მონაწილეობის დამადასტურებელი დოკუმენტაცია, ასეთის არსებობის შემთხვევაში;
- სასწავლო სტუდენტურ აქტივობებში მონაწილეობის დამადასტურებელი დოკუმენტაცია, ასეთის არსებობის შემთხვევაში.
- მიმდინარე სემესტრში (2025 წლის 5 თებერვლიდან) სოციალურად მოწყვლადი ჯგუფისადმი მიკუთვნებულობის დამადასტურებელი დოკუმენტაცია, ასეთის არსებობის შემთხვევაში.
- ოკუპირებული ტერიტორიაზე ბინადრობის დამადასტურებელი დოკუმენტაცია, ასეთის არსებობის შემთხვევაში.
კონკურსში არ მონაწილეობენ პირველი და დამატებითი სემესტრის სტუდენტები.
განცხადების ფორმას და ამონაწერს სასწავლო ბარათიდან მოგაწვდით ადგილზე.
*გთხოვთ, გაითვალისწინოთ 9, 10, 11, 12 მაისი დასვენების დღეებია.
გისურვებთ წარმატებებს!